आपल्याकडे येणारे अनेक जातक हे त्यांच्या अडचणीने गांजलेले त्रस्त झालेले असतात. काही वेळा मनमोकळेपणाने आपल्याशी बोलू शकत नाही त्यामुळे समोरच्या मनातील गुज ओळखण्याची कला आत्मसात करण्यासाठी पुणे येथील सौ.चित्रा अभ्यंकर यांच्या मार्गदर्शनाखाली टेलिपथी म्हणजेच शब्दाविना संवाद साधण्याची कला आत्मसात केली. या सर्व प्रवासाचा विचार करता श्री. किरण पेंडसे गुरुजी यांनी केवळ एकाच गोष्टीत कार्यरत न राहता समाजाला आवश्यक असणाऱ्या यज्ञिकी – पौरोहित्यासह वास्तुशास्त्र, कुंडली-ज्योतिष, डाऊझिंग, टेलिपॅथिक कम्युनिकेटर अशा बहुविध क्षेत्रांमध्ये आपला ठसा उमटवला आहे. मिळवलेले ज्ञान फक्त पैसे मिळवण्यासाठी आणि धार्मिक कर्मकांडांपुरतेच मर्यादित न ठेवता, समाजातील सर्व स्तरातील लोकांना वेळोवेळी, योग्य व शास्त्रशुद्ध मार्गदर्शन करुन जनमानसात श्रद्धेचे स्थान निर्माण करत आहोत. तसेच समाजातील धर्म विषयक गैरसमज दूर करून योग्य मार्गदर्शनाची गरज ओळखून लोकांना वेळोवेळी शिक्षित करण्याचे कार्य सुरू असते. ज्ञानप्रतिष्ठा समाजामध्ये ज्ञानाची पातळी खालावलेली दिसते यासाठी कोणीतरी काम करणे अपेक्षित आहे. शुद्ध ज्ञानाची प्रतिष्ठा समाजामध्ये व्हावी यासाठी भारतीय संस्कृती सण परंपरा यांचा अभ्यास करून त्यामागचे तत्त्वज्ञान आणि त्याचा अंगीकार करण्यासाठी सोप्या भाषेमध्ये लोकांपर्यंत पोहोचवण्याचे कार्य सुरू आहे.